Рвезе пагытым шарнен

Ик кастене паша деч вара рвезе-влак дене погынымо годым яра жапым пайдалын эртарыме нерген мутым лукна. Айста, манына, пивым да аракам йÿын шинчымеш, спорт таҥасымашым эртарена. Тыге хоккейла модаш кутырен келшышна. Шке окса денак клюшкым нална да Кукмарий посёлкыш кудална.

Тушто таҥасымаш жаплан хоккей коробкым, коньким да кап аралтышым тÿлен нална. Кок командылан шелалтна – Уял ден Кна-влак, судьялан Миша Ишпаевым ойырышна.

Хоккей матч пеш шокшо лие, туге чучо, пуйто шайбыжат нигуш пураш öрын, йол йымалнына ийжат шулаш тÿҥалын. Кок командыжат икымше голым пурташ чот тыршыш, но пиал ондак Кна рвезе-влаклан шыргыжале. Ты модмашыште эн нелыже вратарь-влаклан логале, изи шайбыже я ик капкаш пурен кая, я вес капкаш чоҥештен пура. Ялысе хокеист-влак ик шагат жапыште чылаже 13 голым пуртен кертыч. Келшымаш матчыште Кна рвезе-влак 8:5 счёт дене сеҥышт.

Но тиде кечын нигö ат шкенжым сеҥалтшылан шотлен огыл, вет илышыштына тиде кече арам эртен огыл. Чот ноенна гынат, кумылна нöлталтше лийын.

Кугу таум каласена хоккейла модшо рвезе-влаклан. Нунын лÿмыштым ончыктен кодена: Уял гыч – Алексей Николаев, Кирилл Искаков, Валерий Ишпаев, Андрей Афанасьев, Евгений Искаков, Сергей Закиров; Кна гыч – Владик Искаков, Сергей Федотов, Андрей Саппаров, Алексей Иванов, Юрий Федотов. Посна тау мутна лийже мемнан судьялан Михаил Ишпаевлан, шке пашажым шот дене шуктымыжлан.

Ӱшанен кодына, ончыкыжымат тыгай мероприятийыш утларак рвезе ушна.

Реклама

Один ответ to “Рвезе пагытым шарнен”

  1. юра федотов(южка бедот) Says:

    у ий дене да юмо дене каяш пуюржо

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s


%d такие блоггеры, как: