Саламлена

1 январьыште меман кугурак йолташна Лайд Шемйэрын – Владимир Козловын – йыргешке лÿмгечыже. Тиде кечын тудлан 50 ий темеш.

Тидын дене пайдаланен, ме Кнавел марий-влак лÿм дене тудым Шочмо кечыж дене шокшын саламлена да кужу ÿмырым, пеҥгыде тазалыкым, еш пиалым, ончыклык сеҥымаш-влакым тыланена.

Владимир Козлов чапле да куатле илыш корным эртен. Пытартыш ийлаште тудын лÿмжö Марий кундемыште веле огыл, тÿня мучкат йоҥген. Марий-влак верч пеҥгыдын шогымыжо марий калыкнан эртыме корныштыжо посна историй семын чапланен кодеш.

Тудо шкеже Марий Элысе Волжский районысо Шемйэр ялеш шочын. Ончыч Марий кугыжаныш университетыш тунемаш пурен, вара Москосо Литературный институтым «сылнымутым кусарыше» специальность дене пытарен.

Ятыр жап Марий радиошто, «Ончыко» журналыште, «Кугарня» газетыште ыштен, самырык газетын тÿҥ редакторжо лийын, 1999-2002 ийлаште «Kudo+Kudu» финн-угор тÿнямбал газетым чумырен, луктын шоген да шкеак тÿҥ редакторжо лийын.

1998 ийыште Валентин Колумб лÿмеш рÿдер-тоштерым почын, марий калыкын историй да сылнымут поянлыкшым чумыраш, шымлаш пижын. Ты жапыште коло утла книгам савыктен луктыныт. Нунын кокла гыч эн чаплыже – тиде Валентин Колумбын 5 томан ойпогыжо (чыла возымыжым чумырымо), «Полтыш – князь черемисский…» да «Святыни. Культ предков. Древняя история» историй наследий серий. В.Н. Козловын лектышан пашажым аклен, «V степенян Маарйамаа орден» Эстон кугыжаныш наградым пуэныт (2001 ий), тений «Йыван Кырла. 1909–2009» шарнымаш медальым республикыште кучыктеныт.

Марий историйыште Владимир Козлов (Лайд Шемйэр) кумдан палыме мер пашаеҥ семын кугу чапым налын. Общественный пашажлан тений тыгак 30 ий темын: 1979 ийыште Москосо Марий землячествым вуйлатыма гыч тÿҥалын. Вара – «У вий» марий самырык ушем, Финн-угор-влакын самырык тукым Ассоциацийже (МАФУН), регион-влак кокласе «Марий ушем» организаций, Мер Каҥаш толкын. Тудо тыгак марий калыкын 3-шо Оньыжаже (председатель Всемарийского Совета).

Йошкар-Олаште ила да Галина пелашыж дене ныл йочам ончен куштат.

Редакций да Кнавел марий-влак

Ешартыш:

Лайд Шемйэр (Владимир Козлов) 50 ияш лÿмгечыжым да мер пашажлан 30 ий темме усталык касым пургыж (февраль) тылзе кыдалне кумдан палемдаш тÿҥалеш.

Кунам да куштыжым – икмыняр жап гыч посна увертара. Тушто ятыр дечат ятыр лÿмлö еҥ-влак, тыгак касым сöрастарыше мурызо да артист-влак лийыт.

Икманаш, мемнан уремышкат пайрем толеш.

Реклама

Метки: , ,

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s


%d такие блоггеры, как: