Художник Сергей Таныгин ÿжеш

Тимофей Евсеев лÿмеш марий калык тоштер (музей) Йошкар-Олаште 1927 ийыште почылтын. Тушто марий историй да илыш-йÿла дене кылдалтше экспонат-влак шукын улыт. Калык эреак лыҥак коштеш. Кызыт тоштерым марий еҥ Анатолий Васильевич Муравьев вуйлата.

Пытартыш ийлаште тоштерын экспозицийже-влакым уэмдымаште шагал огыл паша ышталтын.

Тоштер вуйлатышын алмаштышыже (заместительже) Надежда Александровна Большован проектше почеш кодшо ийын кугу у экспозицийым почмо. Тудо пÿтынь залым авалта. Вес семынже марий-влак тудым эше «Марий кудо» маныт. Тушто аза-шочмо, кузе тудын ош тÿняшке толмо, ончен налме йÿла гыч тÿҥалын, марий айдемын кушмыжым, ешым погымыжым, шке марий юмыжлан кумалмыжым, кресаньык пашам ыштымыжым, могай сылне пÿртÿс коклаште илымыжым… моткочак раш да чаплын почын ончыктымо. Н.А. Большован проектше почеш сÿрет-влакым да пÿтынь оформленийым марий сÿретче (художник) Сергей Таныгин ыштен.

Таче ты тоштерышке пурен лекше кажне еҥ – марийжат, рушыжат, молыжат – иктат тиде чапле экспозицийым ончал савырныде ок чыте. Да чыланат марий илышнан тыгай поян улмыжлан öрмалген куанат.

Палемден кодена: Сергей Иванович Таныгин – кумдан палыме марий сÿртче. Тудо Москошто ВГИК-ым (кинемтографий институтым) тунем лектын. Ятыр марий спектакльым шке сÿретше дене сöрастарен. Российыште лекше икмыняр фильмым ямдылымаште художник семын тыршен. Ятыр гана шке выставкыжым эртарен. С. Таныгин – Валентин Колумб лÿмеш премийын лауреатше (1995). Тений 28 декабрьыште тудлан марий театр искусствым вияҥдымаште чот тыршымыжлан Марий Элын кугыжаныш (государственный) премийжым кучыктеныт.

«КнаВел» газет редакций тудым тыгай кугу сеҥымаш дене шокшын саламла да ончыкшымат кугу деч кугу лектышым тыланен кодеш.

А мемнан поро йолташна Сергей Таныгин Кна вел марий-влакым Йошкар-Олаш, Марий тоштерыш унала пагален ÿжеш да шке ыштыме «Марий кудыжым» ончыкташ сöра.

Микывыр ЛАЙДЕМЫР

Снимкыште: сÿретче Сергей Таныгин «Марий кудо» экспозициым ыштен пытарыме деч вара «поян марийын тулупшо дене» «Марий сÿаным» вашлиеш. Тендамат пагален ÿжеш.

Реклама

Метки: , ,

комментария 2 to “Художник Сергей Таныгин ÿжеш”

  1. Hanhi Says:

    Поро!
    Давно надо было исправить ошибку: Марийский музей открыт не в 1927 году, а в 1920 году. Досадная ошибка.
    Ну, ладно, молодежь, испрвимся.
    Ждем следующий номер, нельзя сбавлять ход. Иначе пыл уйдет, как паровоз в туман.

  2. Hanhi Says:

    Да, забыл!
    Сергей Таныгин не пошутил: он на саом деле ждет гостей из КнаВел в гости в музей. Но пок не дождался.
    Так чт спешите, иначе Сергей собирается на время покинуть республику. А без него неиинтересно будет экскурсия.
    Поторопитесь.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s


%d такие блоггеры, как: